كيف تظهر بتطبيقك في النتائج الاولى من البحث

كيف تظهر بتطبيقك  في النتائج الاولى من البحث

هل تعلم ان كل اسبوع في حوالي 18.000 Mobile App جديد ؟

طب هل تعلم ان في اكترم ن 2.000.000 Mobile App  في ال stores ؟

طب سؤال : لو حضرتك عندك ابلكيشن وعايز الناس تشوفه وتحمله هتعمل اية وسط كل الكم الرهيب ده ؟ 

انا اقولك إما انك تعمل اعلانات مدفوعة online ads  ودي بتجيب نتيجة طبعا بس هتدفع كتير 

او انك تستنى تظهر في البحث بالصدفة لما ال Users يبحثوا في احدى محركات بحث ال Apps

او أنك تعمل تهيئة للابلكيشن بتاعك عشان تظهر في الاول لما ال Users يعملوا search بكلمات مفتاحية معينه 

واحد يقولي انا حسس اني سمعت الكلام ده قبل كدة قصدك اعمل للابلكيشن SEO ؟

اقولك قربت شوية بس مش هتعمل SEO هتعمل ASO

App Store Optimization

ASO  هي اختصار ل App Store Optimization

وهي عبارة عن تهيئة الابلكيشن بتاعك عشان تظهر في ال Organic search    سواء في الاندرويد او ال ios 

طيب وده أية أهميته ؟

أهميته ان حوالي 63% من المستخدمين بيدخلوا على النتائج ال Organic اللي بتظهر في ال Search وطبعا الاسطورة بتقول ان النتائج الاولى بيكون لها الحظ الاكبر من المستخدمين وعشان توصل لده لازم تعمل ASO 

التهيئة دي بتعتمد على عدة عوامل خليني اذكرها باختصار هي 

اسم الابلكيشن / العنوان 

الوصف 

icon / صورة الابلكيشن 

فيديو عن الابلكيشن 

ال Rating 

ال Reviews

Downloads 

Keywords

search and ranking factors

 خلونا بقى نتكلم عن كل حاجة شوية : 

App Titel 

اسم الابلكيشن او عنوان الابلكيشن من اهم واخطر الحاجات اللي بتأثر على المستخدم مهم انك تستهدف فيه الكلمات البحثية اللي بيدور عليها المستخدم او انها تكون باسم البراند بتاعك او موقعك زي Facebook , Twitter مثلا 

بالنسبة لاندرويد المفروض مايزدش العنوان عن 30 characters اما ios فلايزيد عن 255characters 

App Description

الوصف ده اللي من خلاله هيقرر ال User يدخل يحمل الابلكيشن بتاعك ولا لا لأنك من خلاله بتقوله وصف دقيق عن الابلكيشن واية اللي يميزة وطبعا لازم تستخدم فيه الكلمات البحثية اللي بيدور عليها المستخدم بالنسبة للاندرويد ممكن تكتب وصف لحد 4000 حرف اما ios فالوصف عامل غير مؤثر اوي في الظهور في ال search ولكنه مهم جدا جدا جدا في الاندرويد 

Keywords

مهم انك تختار كلمات عليها نسبة بحث كتير من المستخدمين وفي نفس الوقت يكون عليها منافسة مش عالية وتستخدمها في العنوان والوصف وطبعا في ادوات بتقولك اية هي نسبة البحث عن الكلمات والمنافسة عليها تقدر تستخدم الاداة دي 

http://www.straply.com/

واللي بتقولك نسبة السيرش والمنافسة على الكلمة المحددة واية ال Apps  اللي مستهدفاها 

 http://www.straply.com/

 

اما عن اماكن استخدام ال Keywords فهي موضحة بالصورة دي بالنسبة للاندرويد ولل IOS

Keyword Placement

App Icon

من الحاجات اللي بتلفت انتباه المستخدم هي شكل ال icon بتاعة الابلكيشن حاول تختار حاجة تكون جذابة ومعبرة عن البراند او الابلكيشن بتاعك وتكون صورة مش كلمة 

Aso 

Screenshots 

طبعا الصورة بألف كلمة وانك تاخد لقطات من اللعبة او الابلكيشن بتاعك وتحطها للمستخدم اكيد هتفرق جدا معاه وهتحفزة انه يدخل يحمل الابلكيشن العين دايما بتحب تشوف الصور اكتر من الكلام 

App Reviews

كل ما زاد عدد الReviews كل ما ده كان محفز اكتر لل User انه يعمل Download لل App لأنه بيكون موثوق فيه اكتر وعشان كدة انت محتاج تزود عدد الReviews  على الابلكيشن بتاعك 

App Ratings 

طبعا الابلكيشن الرائع بياخد تقييم كبير وده بيزود من نسبة ظهورة في ال Search وبيكون حافز للDownloads

Link Building 

وده بيكون للاندرويد بس لأن اللينكات الخارجية بتعطي ثقة اكبر لجوجل ان الابلكيشن ده كويس ويستحق انه يظهر في الاول طبعا ده شبه اللي بنعمله في الSEO المهم انك تحاول تكسب لينكات بشكل طبيعي ممكن تضيف لينك الابلكيشن لتوقيع الايميل بتاعك مثلا ، قنوات السوشيال الخاصة بموقعك ، موقعك نفسه وممكن مواقع تتكلم عن الابلكيشن بتاعك لو كان جامد جدا وتضيف اللينك بتاعه ده هيدعم الابلكيشن جدا وطبعا اهم سوشيال نتورك مهم انك تتواجد عليها برابط الابلكيشن هي +Google بما انها احد منتجات جوجل وبتساعد كتير في موضوع ال ASO 

Localization 

تقريبا 85% من الابلكيشنز باللغة الانجليزية طب لو اتعملت ابلكيشنز للصينيين مثلا باللغة الصينية او اليابانيين باللغة اليابانية او الاسبان باللغة الاسبانية تفتكروا مش ده هيكون افضل بالنسبة لهم وهيساعد انه يظهر بدري لو بحثوا بلغتهم الام وهيكون اوقع والاكثر استخداما

Downloads

كل ما زاد نسبة الDownloads للابلكيشن بتاعك كل ما ده كان عامل مساعد وقوي كمان انه يظهر بدري في ال search 

كل الحاجات دي  بتساعدك انك تعمل تهيئة للابلكيشن بتاعك عشان يظهر في الاورجانيك سيرش ولما يظهر في الاورجانيك سيرش هيزيد نسبة ال Downloads وده هيساعدة يظهر اكتر في السيرش والناس تحمل الابلكيشن اكتر واكتر وانت توصل لهدفك 

طبعا الموضوع مهم وكبير ومش ناس كتير بتهتم بيه ولكنه مش صعب واعتقد ان الموضوع ده هيزداد اهمية اكتر واكتر الفترة الجاية لأنه ال Trend دلوقتي مع الزيادة الرهيبة لعدد ال Apps وزيادة نسبة استخدام ال smart phones

واخيرا وليس آخراً مهم انك تتابع ال feedback  بتاع المستخدمين وتحدث باستمرار في الابلكيشن بتاعك عشان تخلي تجربة ال User ممتعة مع الابلكيشن بتاعك 

الموضوع لسة فيه كلام كتير وان شاء الله نكمل كلام عنه في تدوينات تانية ماتنساش #عايز_تنجح_ساعد_غيرك_ينجح يعني شير التدوينه دي لاصحابك لو حاسس انك استفدت منها

 

الموضوع منقول لتعم الفائدة